TEDxKids@Yerevan 2017-ի բանախոսները
Հայաստանի տարբեր մարզերից 8-ից 18 տարեկան երեխաներ ներկայացրել են իրենց հայտերը` իրենց յուրահատուկ հաջողությունների, հայտնագործությունների, ուսումնասիրությունների և պատմությունների վերաբերյալ:
Ստորև ներկայացնում ենք TEDxKids@Yerevan 2017 միջոցառման բանախոսներին.
Ստորև ներկայացնում ենք TEDxKids@Yerevan 2017 միջոցառման բանախոսներին.
Շուշան, 16 տարեկանՇուշանը Ալավերդիից է: Սիրում է ստեղծագործել ու կարդալ: Ամեն մանր բանի մեջ գտնում է ավելին ու սովորում է դրանից: Երբեմն Շուշանը կարողանում է ապագայի վերաբերյալ որոշ կանխագուշակություններ անել: Շատ է հպարտանում է իր մեծ շրջապատով:
|
Յուլյանա, 16 տարեկան Յուլյանան Գյումրիից է, սիրում է շոկոլադ, տարօրինակ մարդկանց և նեղանալ: Իսկ ժամանակը անտեղի վատնել չի սիրում: Զբաղվում է կամավորական աշխատանքներով, սիրում է պարել, գրքեր կարդալ, զբոսնել ընկերների հետ: Չնայած իր փոքր տարիքին, Յուլյանան եղել է ոչ միայն ճամբարական, այլև ջոկատավար:
|
Մերի, 12 տարեկանՄերին Ստեփանավանից է և սովորում է թիվ 2 միջնակարգ դպրոցում: Շատ է սիրում երաժշտություն, քանի որ և երգում է, և պարում, և ջութակի ու դաշնամուրի դասերի է հաճախում: Մերին ազատ ժամանակ միշտ գիրք է կարդում:
|
Ռոբերտ, 16 տարեկան Ռոբերտը Երևանից է, դպրոցական է: Չի սիրում նարինջ և հայկական սերիալներ: 13 տարեկանից աշխատում է միջազգային առցանց մի խաղի ստեղծողների պաշտոնական օգնական: Իր գործը խաղի ապագա թարմացումների փորձարկելն է: Ամենամեծ նվաճումը իր YouTube-յան ալիքի 32000 հետևորդներն են:
|
Ալեն, 14 տարեկան Ալենը Արմավիրի Հացիկ գյուղից է: Չի սիրում, երբ մարդիկ սխալ տեղեկատվություն ունենալով, փորձում են համոզել որ իրենք ճիշտ են: Տարօրինակ է, բայց Ալենը միաժամանակ և շատ ալարակոտ է, և հասնում է բոլոր նպատակներին: Նա այնքան ալարկոտ է, որ անգամ չի նշում, թե որն է կյանքում իր ամենամեծ նվաճումը:
|
Վարդուհի, 17 տարեկանՎարդուհին Գեղարքունիքի մարզի Գանձակ գյուղից է: Շատ է սիրում իր մայրիկի պատրաստածները: Ազատ ժամանակ ֆիլմեր է դիտում, գրքեր կարդում և նկարում՝ երաժշտություն լսելով: Վարդուհին շատ է սիրում Հայաստանն ու հպարտ է, որ ծնվել է հենց այստեղ: Շատ շփվող է ու ընկերասեր և հետաքրքրվում է արվեստով ու մշակույթով:
|
Գոռ, 13 տարեկանԳոռը Կապանից է: Շատ է սիրում գիրք կարդալ, իսկ ահա երկերեսանի մարդկանց տանել չի կարողանում: Շատ հետաքրքրասեր մարդ է ու ամենից շատ նրան հետաքրքրում են համակարգիչները:
|
Նարեկ, 9 տարեկանՆարեկը Գավառից է: Սիրում է սպորտով զբաղվել և հետաքրքվում է տեխնիկայով: Նարեկը շատ է սիրում իրենից մեծերի հետ ընկերություն անել: Իր ամենամեծ նվաճումերից մեկը TEDxKids@Yerevan-ում որպես խոսնակ ընտրվելն է:
|
Սոնա, 16 տարեկան Սոնան Երևանից է, սովորում է Երևանի պետական հումանիտար քոլեջում: Սիրում է իր ընտանիքին, ընկերներին, քաղցրավենիք, մրգեր, մուլտեր ու գունավոր փուչիկներ:
Սոնայի հետաքրքրությունները բազմազան են բայց մեծամասամբ ներառում են երաժշտություն, քանի որ երգում է ու նվագում կիթառ, դաշնամուր և շրթհարմոն: Սոնան սիրում է երևակայել և պատմություններ գրել: Նա նաև նկարում է, բավականին համեղ պատրաստում, մագլցում բոլոր ծառերի և ավտոտնակների վրա: |
Սվետա, 14 տարեկանՍվետան Կապանից է, դպրոցական է: Չնայած նրան, որ աղջիկ է, սիրում է զինվորների կյանքը և ցանկանում է ծառայել հայոց բանակում: Հետաքրքրվում նաև պատերազմների մասին գրքերով ու վավերագրական ֆիլմերով ու շատ հաճախ դիտում է դրանք:
Սվետան շատ է սիրում համայնքային ծրագրեր ու փորձում է մասնակցել բոլոր այն ծրագրերին, որոնք կազմակերպվում են Կապանում: |
Անի, 16 տարեկանԱնին Իջևանից է, սովորում է Իջևանի վարժարանում: Սիրում է հավաքել անձեռոցիկների նմուշներ, ինչպես նաև ունի մետաղադրամների և կավե տիկնիկների հավաքածու, իսկ ամենահետաքրքիր հավաքածուն իր նկարած նկարներն են: Սիրում է կարդալ գրքեր և գրքի վերաբերյալ նշումներ կատարել իր նոթատետրում: Անին հպարտանում է նրանով, որ իր մայրիկին նվիրված ակնարկով կարողացել է հուզել իր հայոց լեզվի ուսուցչուհուն և մի ամբողջ ուսուցչական կազմի:
|
Մարթա, 15 տարեկանՄարթան Սիսիանից է, ավագ դպրոցի աշակերտուհի է: Սիրում է համեղ ուտելիքներ, հումոր, նոր ծանոթություններ ու թիմային աշխատանք: Խաղում է վոլեյբոլ, պիոներբոլ, շախմատ ու շաշկի: Զբաղվում է նաև ասեղնագործությամբ ու գոբելենով:
Մարթան հաճախ է այնպիսի հումորներ անում, որոնք կամ սխալ են հասկացվում, կամ ուշ են ընկալվում, կամ էդպես էլ չեն ընկալվում: |
Էրիկ, 16 տարեկանԷրիկը Լոռվա մարզի Թումանյան գյուղից է: Սիրում է մասնակցել միջոցառումների, ուտել տապակած կարտոֆիլ և քաղցրավենիք: Իսկ ամենից շատը սիրում է սպաս:
Շատ է սիրում գիրք կարդալ, ինչպես ինքն է ասում իր բաղաձայն ձայնով երգել ու սցենարներ գրել: Ինքն իրեն արկածային մարդ է համարում: Էրիկը գտնում է, որ նպատակասլացությունն իր ամենամեծ նվաճումն է: |
Ինեսա, 15 տարեկանԻնեսան Արտենի գյուղից է: Սիրում է "Այլ կերպ» ու «Դե խաղա» խաղալ: Շատ է սիրում շոկոլադ, բանան ուելակի հյութ: Ու չի սիրում, երբ մարդիկ գերագնահատում են իրենց և թերագնահատում ուրիշներին:
Ինեսան ունի մի հետաքրքիր հավաքածու. տարբեր մարդկանցից վերցրած այցեքարտեր: Նա հաճույք է ստանում զբաղված լինելուց և մի տեղից մյուսը վազելուց: Իր նվաճումները ներկայացնում է այսպես ` 8 տարվա գերազանցիկությունը դպրոցում, պարի բնագավառում տարբեր մրցանակները,պատվոգրերը, կատարած ծառայութունը համայնքին, ամառային դպրոցին,սեմինարներին, դրամաշնորհային ծրագրերին, օլիմպիադաներին մասնակցությունը և վերջում ամենահաճելիներից մեկը` TEDxKids@Yerevan2017- ին մասնակցությունը՝որպես խոսնակ: |
Ռուբինա, 16 տարեկանՌուբինան Արագածավան գյուղից է, դպրոցական է: Սիրում է զբաղվել ընթերցանությամբ, ֆիլմեր դիտել, բացահայտել մարդկանց ու նորանոր գիտելիքներ ձեռք բերել: Ռուբինան չի սիրում միապաղաղ կյանքը, ձանձրալի և անպատասխանատու մարդկանց։ Թեև մի շարք մրցույթների հաղթող է ճանաչվել, բայց վստահ է, որ ամենամեծ հաջողությունը դեռ առջևում է:
|
Աննա, 13 տարեկան Աննան Գեղարքունիքի մարզի Թթուջուր գյուղից է, սովորում է գյուղի միջնակարգ դպրոցում: Շատ է սիրում ստեղծագործել ու նկարել և տանել չի կարողանում երբ դպրոցում 8 է ստանում: Աննան գրում է բանաստեղծություններ ու ասմունքում, բայց հետաքրքրվում է նաև մաթեմատիկայով և նույնիսկ մեկ անգամ հաղթել է "Կենգուրու" մրցույթում:
|
Ռուբիկ, 13 տարեկան
TEDxKids@Yerevan 2017-ին ելույթ կունենա նաև Pyramidz խումբը
Թումոյի միակ էլեկտրոնային խմբի՝ Pyramidz-ի անդամները ծանոթացել են 2013-ի դեկտեմբերին: Կենտրոնի երաժշտական դասընթացների արդյունքում ձևավորված խումբը արդեն 3 տարուց ավել է, ինչ զբաղվում է էլեկտրոնային երաժշտության ստեղծմամբ և կատարմամբ: Այս ընթացքում Pyramidz-ը հասցրել է ձայնագրել մեկ ալբոմ, նկարահանել երեք տեսահոլովակ ու համերգներ ունենալ Նյու Յորքում, Գյումրիում ու Երևանում` խմբի ղեկավար` Թումոյի դասընթացավար և էլեկտրոնային երաժիշտ Շահեն Խանդկարյանի առաջնորդությամբ: Pyramidz-ի երաժշտական պլանները հեռուն են նայում՝ նրանք պատրաստվում են թողարկել ևս մի ալբոմ, որը, իրենց խոսքերով, լավ օրինակ է` ցուցադրելու խմբի վերջին տարիների զարգացումը: Երգերի ստեղծման ու կենդանի կատարման վերջին տեխնոլոգիաներից օգտվելով՝ խմբի տղաները ցանկանում են մրցունակ լինել միջազգային շուկայում ու զարգացնել էլեկտրոնային երաժշտության ոլորտը Հայաստանում: