Բանախոսներ և ելույթներ
Մարտի 31-ին TEDxKids@Yerevan միջոցառման բանախոսությունների հայտեր ներկայացնելու վերջնաժամկետն էր: Հայաստանի տարբեր մարզերից 10-ից 16 տարեկան երեխաներ ներկայացրեցին իրենց հայտերը` իրենց յուրահատուկ հաջողությունների, հայտնագործությունների, ուսումնասիրությունների և պատմությունների վերաբերյալ: TEDxKids@Yerevan միջոցառման աշխատանքային թիմը ստացավ երեսունից ավել հայտեր բավականին հետաքրքիր թեմաների վերաբերյալ:
Ստորև ներկայացնում ենք TEDxKids@Yerevan միջոցառման բանախոսներին.
Ստորև ներկայացնում ենք TEDxKids@Yerevan միջոցառման բանախոսներին.
Անի Հարությունյան, 16
Ըստ Անիի, ամեն ինչ հնարավոր է, եթե կա ցանկություն, ձգտում և աշխատասիրություն: Անին երազում է լինել անտեսանելի, թռչել ամբողջ աշխարհով մեկ ու ամբողջ աշխարհին նայել գույնզգույն աչքերով:
Անին խոսելու է բիոնիկական ճարտարապետության նկատմամբ իր սիրո մասին: |
Տիգրան Սարգսյան, 13
Տիգրանը կցանկանար ժամանակը հետ տալու սուպեր ունակություն ունենալ: Նրա ժամանակը չի հերիքում, որ նա կարողանա զբաղվել ֆուտբոլով: Տիգրանին ոգեշնչում են իր ընկերները:
Տիգրանը խոսելու է ծաղրի շղթայի մասին: |
Հակոբ Պարսամյան, 14
Հակոբը փոքր ժամանակ ցանկացել է դառնալ պատմաբան և աստղագետ: Նա շատ է ցանկանում ճամփորդել դեպի Եգիպտոս: Հակոբն ամենաշատը վախենում է վախենալուց և հավատում է, որ ամեն ինչ հնարավոր է այս կյանքում:
Նա խոսելու է սերիալների վատ ազդեցության և դրանց դեմ իր պայքարի մասին: |
Վլադիմիր Ազնաուրյան, 15
Վլադիմիրին ոգեշնչում է երաժշտությունը: Նա ցանկանում է ճամփորդել դեպի Շվեյցարիա, իսկ փոքր ժամանակ ցանկացել է դառնալ դիվանագետ: Նա համարում է, որ աշխատասիրությունը հաջողության գրավականն է:
Վլադիմիրը խոսելու է խնձորի և խնձորի մեջ մի ամբողջ աշխարհ բացահայտելու մասին: |
Լևոն Բավիկյան, 16
Լևոնը փոքր տարիքից երազել է դառնալ դերասան և ցանկանում է ճամփորդել դեպի Ճապոնիա: Նա կարծում է, որ ամեն ինչ հնարավոր է, եթե հավատաս ուժերիդ ու անընդհատ փորձես:
Լևոնը խոսելու է տաղանդի բացահայտման մասին: |
Բեատրիսա Ավդալյան, 15
Բեատրիսին ամենաշատը ոգեշնչում է արվեստը, իսկ ժամանակը չի հերիքում, որ մուլտեր նայի: Նա սիրում է նկարել և զվարճալի պատմություններ հորինել:
Նա խոսելու է մեր կուռքերի` հասարակ մարդ լինելու մասին: |
Սարինե Կարապետյան, 15
Սարինեն ուզում է տեսնել ամբողջ աշխարհը: Նա թատրոնի մեծ սիրահար է և բացահայտել է թատրոնի միջոցով երջանիկ լինելու գաղտնիքը:
Սարինեն խոսելու է իր կախարդական հինգ րոպեների մասին: |
Սուրէն Փափազեան, 17
Սուրէնը ցանկանում է ճամփորդել դեպի լուսին և տիեզերք: Նա մոտ քառասուն կենդանի է ունեցել: Նրան ամենաշատը ոգեշնչում են նրա ծնողները:
Սուրէնը խոսելու է կենդանի արարածների կարևորության մասին: |
Նարեկ Բագրատունի, 15
Նարեկի ժամանակը չի հերիքում, որ մի սիրուն աղջկա հետ ծանոթանա: Նարեկին ոգեշնչում է այն գործը, որը նա կատարում է ինչ-որ մեկի համար, նույնիսկ եթե դա լինի շատ չնչին մի բան: Նա կարծում է, որ ամեն ինչ հնարավոր է, եթե կա սեր, հարգանք և փոխհամաձայնություն:
Նարեկը ներկայացնելու է «Նագլի բրաուզերը»: |
Մարիամ Պետրոսյան, 16
Մարիամը փոքր ժամանակ ցանկացել է դառնալ ոստիկան: Նա երազում է ճամփորդել դեպի Արևմտյան Հայաստան: Մարիամին ամենաշատը ոգեշնչում է իր հայրը:
Մարիամը խոսելու է մեր քաղաքը մաքուր պահելու մասին: |
Արթուր Սեդրակյան, 13
Արթուրը կցանկանար կերպարանափոխվել կարողանալ: Նա ուզում է ճամփորդել դեպի հյուսիսային բևեռ, իսկ փոքր ժամանակ ցանկացել է դառնալ spiderman:
Արթուրը խոսելու է պարելու իր երազանքի մասին: |
Քրիստինա Սարգսյան, 15
Քրիստինան երազում է մարդկանց մտքերը կարդալու ունակության մասին: Ցանկանում է ճամփորդել դեպի Ճապոնիա, իսկ ամենաշատը նրան ոգեշնչում են կյանքի ուրախությունները:
Քրիստինան խոսելու է խնդիրների լուծման նկատմամբ մեր անհավանական մոտեցման մասին: |
Գոհար Խաչատրյան, 16
Գոհարը փոքր ժամանակ ցանկացել է դառնալ բարի փերի, որ բոլորի երազանքները կատարի: Հիմա էլ երազում է կախարդական փայտիկ ունենալու մասին: Գոհարը վախենում է տգիտությունից:
Նա պատմելու է «X» դպրոցի պատմությունը: |
Հասմիկ Չալաբյան, 14
Ամենաշատը Հասմիկը ցանկանում է ճամփորդել դեպի Ամերիկա, իսկ փոքր ժամանակ ցանկանում էր դառնալ ուսուցչուհի: Նրան ամենաշատը ոգեշնչում է իր մայրը:
Հասմիկը խոսելու է առողջ սնվելու մասին: |
Լուսինե Ասլանյան, 13
Լուսինեն ցանկանում է լինել Նյու Յորքում: Նա հետաքրքրվում է տեղեկատվական տեխնոլոգիաներով և հայրիկի հետ ծրագրեր է գրում: Լուսինեին ոգեշնչում է երաժշտությունը:
Նա խոսելու է անհավանական ու բազմահեղինակային պատմություններ գրելու մասին: |
Էլեն Կարապետյան, 14
Էլենը ցանկանում է ճամփորդել դեպի Աֆրիկա: Նա վախենում է կորցնել իրեն թանկ մարդկանց:
Էլենը խոսելու է «Բեռլինի պատը» քանդելու ու պատից այն կողմ անցնելու մասին: |
Հայկ Դավթյան, 16
Փոքր ժամանակ Հայկը ցանկացել է դառնալ օդաչու: Հայկին ոգեշնչում են գեղեցիկ աղջիկները և նա կարծում է, որ ամեն ինչ հնարավոր է, եթե վստահ ես ուժերիդ վրա:
Հայկը խոսելու է իր վախերի հաղթահարման անհավանական պատմության մասին: |
Անահիտ Մուշեղյան, 18
Անահիտը կուզեր քնելու կարիք չունենալ, որպեսզի շատ բան հասցնի անել այս կյանքում: Նրան ոգեշնչում է Ի. Գանդին: Անահիտն ամենաշատը չի սիրում անորոշությունը:
Նա խոսելու է «աշխարհը շալակելու» և իր հեծանիվի մասին: |
Ռուզաննա և Սյուզաննա Աղաբաբյաններ
Ռուզաննա և Սյուզաննա Աղաբաբյանները սիրում են կյանքը և ապրում են անկախ այն բանից, որ բժիշկները հույս չէին տալիս, որ նրանք կապրեն:
Նրանք ներկայումս երազում են ԲՈՒՀ ընդունելու մասին: Ռուզաննան և Սյուզաննան խոսելու են իրենց երազանքի ու ապրելու կարողության մասին: |
Մարգարիտա Սարգսյան, 13
|
Աստղիկ Ավագյան, 16
Աստղիկը չի հանդուրժում ծխախոտի ծուխը և ակտիվորեն պայքարում է դրա դեմ: Նրան հաջողվել է իր հայրիկին համոզել, որ թողնի ծխելու վնասակար սովորույթը:
Աստղիկը պատմելու այն մասին, թե ինչպես է երկարացրել իր հայրիկի կյանքը: |
Լյուդվիգ Արամյան, 16
Լյուդվիգը չի վախենում խնդիրներ բարձրաձայնելուց, ավելին` նա իր ընկերների հետ պայքարել է իրենց համայնքում որոշ ոստիկանների անընդունելի վարքի դեմ և հաջողության հասել:
Լյուդվիգը պատմելու է ոստիկանների դեմ իրենց պայքարի և հաղթանակի մասին: |
Վարողներ`
Սիրանույշ Մանթառլյան և Նիկոլայ Հարությունյան
|
Համերգային կատարում`
«Գարաժ» բենդ (Թումո)
|