TEDxKids@Yerevan-ի լուսաբանումը2016թ.-ի հունիսի 28-ին Երևանում կկայանա վեցերորդ ամենամյա TEDxKids@Yerevan միջոցառումը: Միջոցառումը պաշտոնապես արտոնագրված է միջազգային TED Conferences կազմակերպության կողմից:
Բեռնել միջոցառման մամուլի հաղորդագրությունը` tedxkidsyerevan2016-press_release.doc։ Միջոցառման ընթացքում ելույթ կունենան 7-ից 17 տարեկան երեխաներ, ովքեր ընտրվել են ապրիլին և մայիսին կայացած լսումների արդյունքում: Երեխաները կխոսեն իրենց աշխարհի և իրականության, իրենց անհավանական հաջողությունների ու այն խնդիրների մասին, որոնք ժառանգել են ավագ սերնդից: Այսպես TEDxKids@Yerevan-ը որպես հարթակ կծառայի երիտասարդ սերնդին, որպեսզի բարձրաձայնեն իրենց հուզող և հետաքրքրող խնդիրներն ու հարցերը, ինչպես նաև իրենց յուրահատուկ հաջողությունները, հայտնագործությունները, ուսումնասիրություններն ու պատմությունները: Եթե Դուք կամ Ձեր լրատվամիջոցը ցանկանում է ներկա գտնվել ու լուսաբանել TEDxKids@Yerevan միջոցառումը, խնդրում ենք գրել contact@tedxyerevan.com էլ. հասցեին մինչև հունիսի 21-ը տրամադրելով հետևյալ տեղեկատվությունը` ա. Անուն ազգանունը բ. Լրատվամիջոցը և պաշտոնը գ. Կոնտակտային էլ.հասցե և հեռախոսահամար Լուսաբանման հնարավորություն ստանալու համար, լրագրողները պետք է մասնակցեն կարճ բրիֆինգ-վերապատրաստման, որի ընթացքում կներկայացվեն TED արտոնագրի կանոնները: |