Բանախոսներ և ելույթներ
Հայաստանի տարբեր մարզերից 8-ից 18 տարեկան երեխաներ ներկայացրել են իրենց հայտերը` իրենց յուրահատուկ հաջողությունների, հայտնագործությունների, ուսումնասիրությունների և պատմությունների վերաբերյալ:
Ստորև ներկայացնում ենք TEDxKids@Yerevan 2013 միջոցառման բանախոսներին.
Ստորև ներկայացնում ենք TEDxKids@Yerevan 2013 միջոցառման բանախոսներին.
| Ծրագիր |
Կատրին Հակոբյան (15տ)
Կատրինը ցանկանում է դառնալ ռեժիսյոր։ Նրան շատ են ոգեշնչում ֆիլմերը, որոնք ստիպում են մտածել։ Կատրինի երազանքն է օգնել մարդկանց փոխվել։ Իր մեջ նա գնահատում է մարդկանց մեջ լավը տեսնելու ունակությունը։
|
Էդուարդ Հակոբյան (15տ)
Էդուարդի երազանքն է նկարել դարի լավագույն ֆիլմը։ Զարմանալի չէ, որ նրան ամենաշատը ոգեշնչում է կինոն, թատրոնը, մի խոսքով՝ արվեստը։ Էդուարդն ըմբռնող և ամեն ինչ հասկանում է կես խոսքից, բայց կուզենար ավելի համբերատար լիներ։
|
Միքայել Հարությունյան (16տ)
Միքայելն ապագա տնտեսագետ է և երկրի նախագահ։ Նա կուզեր փոխել իր մեջ յուրաքանչյուր հարցի շուրջ երկար մտածելու հակումը։ Միքայելին ամենաշատը ոգեշնչում է գերազանք TED ելույթը։ Նրա խորհուրդն է մեծահասակներին՝ մտածեք ինչպես երեխա։
|
Անահիտ Մովսեսյան (16տ)
Անահիտը վախենում է սխալվելուց, բայց աշխատում է իր վրա փոխելու համար այդ գիծը։ Անահիտին ամենաշատը ոգեշնչում են հին սերնդի ներկայացուցիչների, ինչպիսինն են օրինակ Հենրի Ֆորդի, Կոկո Շանելի, Օմառ Խայամի խոսքերը։
|
Վանե Անդրեասյան (15տ)
Վանեի երազանքն է հաղորդավարուհի կամ լրագրող դառնալ և մի օր ունենալ իր թոկ-շոուն, որը կփոխի աշխարհը դեպի լավը։ Նրան ամենաշատը ոգեշնչում է իր մայրիկն ու Օֆրա Ուինֆրին։ Վանեն իր մեջ գնահատում է հարմարվողականությունը, և ցանկանում է դառնալ ավելի ճշտապահ։
|
Անուշ Նիկողոսյան (18տ)
Անուշին ամենաշատը ոգեշնչում են բնությունն ու տիեզերքը, իսկ նրա երազանքն է մի օր նստել օդապարիկ։ Անուշը հաստատ որոշել է, որ մեծանա, անկախ ընտրած մասնագիտությունից, պիտի դառնա բարեգործ։
|
Դավիթ Կարապետյան (9տ)
Դավիթը շատ է սիրում երգել, նկարել, հետաքրքրված է բռնցքամարտով, հետաքրքրասեր է, սիրում է նոր բաներ բացահայտել, եռանդուն է և ընկերասեր:
|
Նարեկ Չոբանյան (18տ)
Նարեկն իր մեջ ամենաշատը գնահատում է սառը դատողությունը և լավատեսությունը։ Նա ցանկանում է դառնալ խաղեր նախագծող, և ստեղծել մի տեսախաղ, որը կմիավորի աշխարհի բոլոր մշակույթները։ Նարեկին ամենաշատը ոգեշնչում են իր ծնողները։
|
Հրաչյա և Հարութ Սարգսյաններ (15տ, 13տ)
Հրաչյան ապագա ծրագրավորող կամ մեդիա մասնագետ է։ Նա միշտ մի բան անելու ցանկություն ունի, և դա համարում է իր բնավորության լավագույն գիծը։ Ըստ Հրաչյայի մեծահասակները պետք է ավելի շատ լսեն փոքրիկներին։
|
Հարութի երազանքն է այցելել Շերլոկ Հոլմսի թանգարանն Լոնդոնում ու զբոսնել Բեյքեր սթրիթ փողոցով։ Նրա կարծիքով մեծահասակները պետք է ավելի թեթև մտածեն։ Հարութին ոգեշնչում է Ֆենտեզի գրականության ֆանտաստիկ ժանրի տեսակը։
|
Վահե Ներսիսյան (16տ)
Վահեն իր բնավորության լավագույն գիծը համարում է լավատեսությունը։ Նա ցանկանում է լինել լավ մասնագետ թվային մեդիայի ոլորտում։ Վահեին ամենաշատը ոգեշնչում են իր հաջողությունները և ընտանիքի աջակցությունը։
Նադիա Իսրայելյան (13տ)
Նադիան ցանկանում է ինտերիեր դիզայներ դառնալ։ Նրա երազանքն է կարողանալ կարդալ ուրիշների մտքերը։ Նադիայի խորհուրդն է մեծահասակներին աշխարհն ավելի գունեղ տեսնել։
|
Նարե Փիրումյան (15տ)
Նարեն ցանկանում է բժիշկ դառնալ։ Նա լավատես է, բայց իր իսկ կարծիքով չափազանց շուտ է վստահում մարդկանց, և կուզենար իր մեջ փոխել բնավորության հենց այդ գիծը։
Մանե Հարությունյան (10տ)
Մանեն երազում է սովորել Այբ ավագ դպրոցում։ Իր մեջ ամենաշատը գնահատում է այն, որ հիշաչար չէ, իսկ կուզենար փոխել շատակերությունը։ Մանեի խորհուրդն է մեծահասակներին չկորցնել երևակայությունը։
|
Անահիտ Վարդանյան (16տ)
Անահիտի երազանքն է շրջել ամբողջ աշխարհով։ Նրա խորհուրդն է մեծահասակներին՝ ավելի շատ ժպտալ։ Անահիտի բնավորության ամենալավ գիծն, իր իսկ կարծիքով ներողամտությունն է։ Միևնույն ժամանակ նա կուզեր լինել ավելի համբերատար։
|
Ժաննա Տեր-Զաքարյան (17տ)
Ժաննան ցանկանում է դառնալ արվեստագետ։ Նրա ոգեշնչում է Էնդի Ուորհոլի արվեստը, և նա երազում է սեփական ստուդիա ունենալու մասին։ Ժաննան, իր իսկ խոսքերով, շփվող է և շատ է ժպտում։
|
Արման Բուդաղյան (13տ)
Արմանն ամենափոքր տարիքից արդեն գիտեր, որ պիտի նկարիչ դառնա, որպեսզի կարողանա ինչ-որ բան փոխել իր արվեստի միջոցով։ Նրա խորհուրդն է մեծահասակներին թողնել իրենց երեխաներին զբաղվել նրանով, ինչով նրանք ցանկանում են։ Երբ Արմանը տրամադրություն չունի և տխուր է, նրան ամենաշատն ուրախացնում է իր թութակը։
|
Արթուր Միրզոյան (14տ)
Արթուրն իր մեջ գնահատում է նորը իմանալու ձգտումը։ Նրա երազանքն է փոխել աշխարհն ու այն ավելի գունեղ դարձնել։ Արթուրին ամենաշատը ոգեշնչում է լավ երաժշտությունն ու գեղանկարչությունը։
|
Սվետլանա Սարգսյան (17տ)
Սվետան նպատակասլաց է, բայց անհամբերատար։ Նրա երազանքն է դառնալ հասարակության պիտանի անդամ, իսկ որպես մասնագիտություն նա ընտրել է իրավաբանությունը։ Սվետլանային ամենաշատը ոգեշնչում են հայտնի մարդկանց հաջողության պատմությունները։
|
Ջուլիա (14տ)
Ջուլիայի երազանքն է դերասանուհի դառնալ։ Նա ամենաշատը ոգեշնչվում է իր հաղթանակներով։ Երբ Ջուլիետա տխուր է, նրան ամենաշատը ուրախացնում է նրա քույրիկը։
|
Լենա Մաթոսյան (16տ)
Լենայի երազանքն է ստեղծել անապահով երեխաների համար գերժամանակակից կրթական կենտրոն։ Նրա բնավորության ամենալավ գիծը համբերատարությունն է, բայց Լենան չափազանց շուտ է հուզվում, և կուզենար փոխել բնավորության այդ գիծը։ Լենայի ամենաշատը ոգեշնչում է իր մայրիկը։
|
Սիրանուշ Պապյան (12տ)
Սիրանուշը ցանկանում է արվեստագետ դառնալ։ Իր մեջ ամենաշատը գնահատում է նպատակասլացությունն ու երազկոտությունը, իսկ կուզենար փոխել դանդաղաշարժությունն ու ծուլությունը։ Երբ Սիրանուշը տխուր է նրան ամենաշատն ուրախացնում է երաժշտությունը, ինչպես նաև իր թութակներն ու ձկները։ Սիրանուշը երազում է քայլել, շրջագայել ամբողջ աշխարհով և շատ ընկերներ ունենալ։
|
Լիլիթ Մաթևոսյան (17տ)
Լիլիթը ցանկանում է բժիշկ դառնալ: Նրա երազանքն է մի օր այցելել Արցախի հանրապետությունը: Լիլիթի համար ոգեշնչման ամենամեծ աղբյուրը բնությունն է:
|
Աննա Պողոսյան (17տ)
Աննան ցանկանում է պարուհի դառնալ: Նա շատ է ուրախանում, երբ ուսման մեջ կամ պարելիս հաջողության է հասնում: Աննան կուզենար բոլոր մարդկանց նման խոսել և լսել: Նրա խորհուրդն է մեծահասակներին` չանտեսել իր նման խնդիրներ ունեցող մարդկանց, ու առավել ուշադիր լինել նրանց նկատմամբ:
|
|
Ռուբեն Բանուչյան (17տ)
Ռուբենն իր մեջ ամենաշատը գնահատում է լսելու կարողությունը։ Զարմանալի չէ, որ նա ցանկանում է լրագրող դառնալ։ Ռուբենի նպատակն է դառնալ ազգին պիտանի մարդ։
|