TEDxKids@Yerevan միջոցառում

Հունիսի 21-ին Թումո ստեղծարար տեխնոլոգիաների կենտրոնում տեղի ունեցավ TEDxKids@Yerevan միջոցառումը` ներկայացնելով 8-18 տարեկան Երևանից և մարզերից եկած բանախոսների ելույթներ, ինչպես նաև այլ ներկայացումներ: Այս տարվա միջոցառման խորագիրն էր՝ Երազանքի հակառակ կողմում։

Մենք խնդրել ենք բանախոսներին կիսվել իրենց գաղափարներով և իրենց երազանքների բոլոր կողմերով: Խոսնակների երազանքներն ընդգրկում են ամենատարբեր թեմաներ` լավ ձեռագրագետ դառնալուց մինչև սեփական երգչախումբ ունենալ:  Բոլոր ելույթները կարելի է դիտել այստեղ։
​

TEDxKids@Yerevan-ի նպատակն է ծառայել որպես հարթակ մեր երիտասարդ սերնդի համար, որպեսզի նրանք բարձրաձայնեն  իրենց հուզող և հետաքրքրող խնդիրներն ու հարցերը, ինչպես նաև պատմեն ի իրենց  յուրահատուկ հաջողությունների, հայտնագործությունների, ուսումնասիրությունների ու պատմությունների մասին:

Նախորդ տարվա միջոցառման ելույթները տեղադրված են այստեղ: Հետևեք մեր Ֆեյսբուքի էջին:

---

TEDx-ի մասին`
Առաջնորդվելով «գաղափարներ, որոնք արժանի են տարածման» ոգով TED-ը ստեղծել է TEDx-ը: TEDx –ը լոկալ, ինքնակազմակերպվող միջոցառումների ծրագիր է, որը միավորում է մարդկանց` քննարկելու TED–ի գաղափարներով կյանքի կոչված իրենց փորձը: 

TED-ի մասին`
TED-ը շահույթ չհետապնդող կազմակերպություն է, որն առաջնորդվում է «գաղափարներ, որոնք արժանի են տարածման» սկզբունքով: Սկիզբ առնելով որպես քառօրյա ծրագիր Կալիֆորնիայում 25 տարի առաջ, TED-ն այժմ վերաճել է մի կառույցի, որն աջակցում է այն գաղափարներին, որոնք միտված են փոխելու աշխարհը տարբեր նախաձեռնությունների միջոցով: TED-ի ամենամյա  համագումարը հրավիրում է ողջ աշխարհի առաջատար մտածողներին և իրականացնողներին` խոսելու 18 րոպե: Նրանց ելույթներն այնուհետև հասանելի են դառնում համացանցում` TED.com կայքում, անվճար հիմունքներով: TED բանախոսներ են եղել Բիլ Քլինթոնը, Ալ Գորը, Ջեյն Գուդոլը, Էլիզաբեթ Գիլբերթը, պրն. Ռիչարդ Բրենսոնը, Նանդան Նիլեկանին, Ֆիլիպ Սթարքը, Նգոզի Օկոնյո Իուեալան, Իզաբել Ալենդեն և Մեծ Բրիտանիայի վարչապետ  Գորդոն Բրաունը:  
TED բանախոսություններին կարող եք ծանոթանալ  www.TED.com կայքից: